კუბი მაგიდა უნიკალური მრავალფუნქციური პროდუქტია პატარების უსაფრთხო და უსასრულო თამაშებისთვის. 3 წლამდე ბავშვებისთვის მისი გამოყენება განსაკუთრებით სასარგებლოა: პირველი ნაბიჯებიდან, აღმოჩენებიდან და გამოცდილებებიდან ის საუკეთესო თანამგზავრია სამყაროს შეცნობის გზაზე.

კუბ მაგიდას გააჩნია სამი განსხვავებული სიმაღლე, რომელთა რეგულირებაც მისი გადაბრუნებითაა შესაძლებელი. კუბი მაგიდის პრაქტიკულობა ეხმარება ბავშვს ასაკობრივი კომპეტენციების განვითარებაში და საუკეთესო დამხმარეა მშობლისთვის, ვისაც სურს უსაფრთხო და განმავითარებელი გარემო შეუქმნას პატარას.

 კუბი მაგიდა გამოიყენება:

• სკამის,
• მაგიდის,
• თაროს,
• საფეხურის (პლატფორმის),
• საყრდენის დანიშნულებით.

დიახ! კუბი მაგიდა პატარას პირველი ნაბიჯების გადადგმაშიც ეხმარება, როგორც საყრდენი. მისი გადაადგილება ძალიან კომფორტული და სახალისოა. შესაძლოა, პატარებმა მას სხვა დანიშნულებაც მოუძებნონ, გამოიყენონ როლური, დრამატული თამაშებისთვის, რაც სოციალური გამოცდილებების დაგროვებაში დაეხმარებათ.

მნიშვნელოვანია ბავშვი უსაფრთხო, მხარდამჭერ გარემოში განვითარდეს. კუბი მაგიდა ხელს უწყობს ბავშვის განვითარებას და გარემოსთან ადაპტაციას. იგი ბავშვებში ავითარებს:

• დამოუკიდებლობის შეგრძნებას,
• მსხვილ მოტორიკას,
• კოორდინაციას და ბალანსს,
• პრაქტიკულ უნარ-ჩვევებს,
• ეხმარება ჩამოუყალიბდეს ადეკვატური და უსაფრთხო მოლოდინები სამყაროს მიმართ.

კუბი მაგიდის უნიკალური ფორმა უზრუნველყოფს ბავშვის სწორად, კომფორტულად და უსაფრთხოდ ჯდომას. მისი ამაღლებული საზურგე და გვერდები დაცულობის შეგრძნებას ბადებს.

ზომები და ტექნიკური ინფორმაცია:

კუბი მაგიდა S-ის ჯდომის I პოზიცია განკუთვნილია 6 თვიდან 3 წლამდე, ხოლო III უზურგო პოზიციის ასაკია 0-99, რაც კიდევ ერთხელ მიუთითებს მის უნიკალურობაზე.

ფანერის სისქე: 15მმ                                                             

კუბი მაგიდის ზედაპირის ზომები შესაბამისობაშია კუბი სკამის დასაჯდომის ზომებთან. რეკომენდებული კომბინაციებია:

კუბი მაგიდა (M) (L x W x H): 51/50/49სმ

კუბი მაგიდა M, პოზიცია II (45სმ) შესაბამისია კუბის სკამი M, პოზიცია I-თან (9სმ)

კუბი მაგიდა M, პოზიცია III (51სმ) შესაბამისია კუბის სკამი M, პოზიცია II-თან (24სმ)

ზედაპირის სიმაღლე:

II პოზიცია – 45სმ,

III პოზიცია – 51სმ

გოგორას თითოეული პროდუქტი დამზადებულია ეკოლოგიურად სუფთა არატოქსიკური მასალისგან. იდეალურად დამუშავებული გლუვი ზედაპირი და მომრგვალებული კიდეები ბავშვის უსაფრთხოების გარანტიაა.

ჩვენი ყველა პროდუქტი მარტივად დასაშლელი და ასაწყობია, რაც უზრუნველყოფს, საჭიროების შემთხვევაში, პროდუქტის ადვილად დასაწყობებას. პროდუქტების აწყობა მარტივია თანდართული ინსტრუქციით. სასურველია, პროცესში ჩაერთონ პატარებიც, რაც დამატებით სახალისო ოჯახურ აქტივობად იქცევა.